Այսօր՝ հոկտեմբերի 29-ին, հերթական տրանսպորտային միջոցներն են տեղափոխվել Երևանի ՃՈ պահպանվող հատուկ տարածք։ Ինչպես հայտնում է ֆոտոլրագրող Գագիկ Շամշյանը, «գաի պլաշչադկա» է տեղափոխվել 33 ավտոմեքենա, որոնցից 31-ի վարորդները մեքենաները վարել են ալկոհոլային ազդեցության տակ (խմած): «Տուգանային հրապարակ» տեղափոխված բոլոր տրանսպորտային միջոցների վարորդները կատարած օրինախախտումների համար ենթարկվելու են վարչական պատասխանատավության։ Ճանապարհային ոստիկանության ղեկավար կազմը՝ ՀՀ ՃՈ պետ Եգոր Կարապետյանի և Երևանի ՃՈ պետ Արման Հակոբյանի գլխավորությամբ չի դադարում հորդորել բոլոր վարորդներին, որպեսզի ոչ սթափ վիճակում ավտոմեքենա չվարեն և չխախտեն ճանապարհային երթևեկության կանոնները՝ ելնելով իրենց ու մյուսների անվտանգությունից, հակառակ դեպքում կենթարկվեն վարչական պատասխանատվության, իսկ վարած տրանսպորտային միջոցներն էլ կտեղափոխվեն «գաի պլաշչադկաներ»՝ անկախ նրանց զբաղեցրած դիրքից ու պաշտոնից: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի © shamshyan.com http://shamshyan.com/hy/article/2016/10/29/99719/