Главная » 2016»Сентябрь»6 » Պայթյուն Գյումրիի Վարպետաց փողոցում, կա 3 վիրավոր (տեսանյութ)
19:56
Պայթյուն Գյումրիի Վարպետաց փողոցում, կա 3 վիրավոր (տեսանյութ)
Գյումրիի Վարպետաց փողոցի 174 տանն այսօր պայթյուն է որոտացել, Գյումրիի բժշկական կենտրոն է տեղափոխվել 3 քաղաքացի:
Տանտերը՝ Սամվել Ալբերտի Մելքոնյանը, ծնված 1962 թվականին, ստացել է այրվածքներ, նրան օգնության հասած քաղաքացիները եւս: Տուժածների կյանքին վտանգ չի սպառնում: Երկուսն անմիջապես դուրս են գրվել հիվանդանոցից: Դեպքի վայրում աշխատանքներ էին իրականացնում Շիրակի մարզային քննչական վարչության, գազաֆիկացման և գազամատակարարման մասնաճյուղի աշխատակիցներ:
Հարեւանների պատմելով՝ ուժեղ պայթյուն է որոտացել: Բնակարանից հայտնաբերել եւ դուրս էին բերել ավտոմեքենայի գազաբալոնը: Մասնագետներն ուսումնասիրություններ էին անում դեպքի վայրում հասկանալու համար՝ ինչն է եղել պայթյունի պատճառը: Կենցաղային գազից նման պայթյունի հավանականությունը քիչ է, ուստի փորձում էին ուսումնասիրել, թե ինչ կապ ունի տեղի ունեցած միջադեպն ավտոմեքենայի համար նախատեսված գազաբալոնի հետ:
