Երեւանում երեկ՝ սեպտեմբերի 2-ին, սպանություն է տեղի ունեցել: Երեկոյան կրծքավանդակի մասում ստացած վնասվածքներով «Աստղիկ» բժշկական կենտրոն տեղափոխված երիտասարդը գիտակցության չգալով մահացել է: NEWS.am-ի հետ զրույցում հիվանդանոցից հաստատեցին տեղեկությունը:

Նշենք, որ դեռեւս պարզ չէ՝ երիտասարդը սուր կտրող- ծակող առարկայից է վնասվածքը ստացել, թե հրազենով: Հանգամանքները պարզելու համար քննություն է ընթանում:

Ըստ Shamshyan.com-ի՝ սպանվածը Արագածոտնի մարզի Թթուջուր գյուղի բնակիչ, 29-ամյա Վահե Գեւորգյանն էր, որը հիվանդանոց էր տեղափոխվել Մալաթիա- Սեբաստիա վարչական շրջանում գտնվող «Կայզեր» սուպերմարկետի մոտից։