Այս մասին այսօր լրագրողների հետ հանդիպմանն ասաց ՊՆ Զինված ուժերի ռազմաբժշկության վարչության պետի տեղակալ Հարություն Գալստյանը՝ պատասխանելով հարցին, թե արդյոք մարտական գործողությունների ժամանակ վիրավորում ստացած և պրոթեզավորման կարիք ունեցող զինծառայողների ծախսերը ՊՆ վերցնելո՞ւ է իր վրա:

«Մենք արել և անելու ենք մեզ հասանելիք չափով պարտավորությունները վիրավոր զինվորների նկատմամբ»,- Panorama.am-ի փոխանցմամբ՝ ընդգծեց նա՝ հավելելով, որ այս հարցում Պաշտպանության նախարարությունը միայնակ չէ, գոյություն ունի սոցիալական ապահովության նախարարություն, առողջապահության նախարարություն:

Ըստ նրա՝ եթե տվյալ հարցը հնարավոր է լուծել Հայաստանի բուժական կամ վերականգնողական հաստատություններում, այդ հարցերը բարեհաջող լուծվել են, իսկ եթե ոչ՝ խնդիրն այդ ժամանակ լուծվել է այն ծավալով, ինչքանով հնարավոր է եղել լուծել:

Նյութի աղբյուր՝ artsakhpress.am