Մեծ Բրիտանիայի Մանչեսթերի օդանավակայանի ծառայողական շներին քննադատել են այն բանի համար, որ նրանք թմրանյութ փնտրելու փոխարեն նրբերշիկ եւ պանիր են որոնում: Այս մասին հայտնում է BBC-ն՝ վկայակոչելով սահմանների եւ միգրացիայի հարցերով գլխավոր տեսուչի զեկույցը:

Պարզվել է, որ 2014թ. նոյեմբերից 2015թ, հունիսն ընկած ժամանակահատվածում շները չեն գտել Ա դասի թմրանյութեր, որոնք ամենավնասակարն են համարվում:
Շներից մեկը հաճախ ուղեբեռում հայտնաբերել է պանրի կամ նրբերշիկի խմբաքանակ, որոնք նույնպես ապօրինի ճանապարհով են փորձել անցկացնել սահմանը:

Շներն օգնել են գտնել ավելի քան 46 հազար սիգար, 60 կգ ծխախոտ, 181 կգ միս եւ 28 հազար ֆունտ ստերլինգ:

Նյութի աղբյուր՝ news.am