Թուրքիայի ոստիկանությունը Քոջաելի նահանգի Գյոլջուքի շրջանում բետոնի մեջ թաղված հայտնաբերել են Գերմանիայի քաղաքացի, ազգությամբ հայ 39-ամյա Ռիտա Դարի Վինքլերի դին։

Ինչպես տեղեկացնում է Ստամբուլի հայկական «Ակոս»-ը, Անթալիայի գեղեցկության սրահներից մեկում որպես վարսավիր աշխատող Ռիտա Դարի Վինքլերը 34 օր առաջ ընկերոջ հետ տեսակցելու համար մեկնել է Ստամբուլ, որից հետո նրանից տեղեկություն չեն ունեցել մտերիմներն ու հարազատները։

Ոստիկանությունը դեպքի հետ կապված սկսել կասկածյալ համարել Ռիտայի թուրք ընկերոջը՝ Ա․Ք․Ս․-ին։ Ոստիկանները Քոջաելիի Գյոլջուքի շրջանում մի քանի վայրում փորել են եւ Ա․Ք․Ս․-ի ազգականին պատկանող հողամասում բետոնի մեջ թաղված վիճակում հայտնաբերել են Ռիտայի դին։

Ռիտայի անհետանալուց հետո ոստիկանությունում հարցաքննության ժամանակ Ա․Ք․Ս․-ն պատմել է, թե Ռիտան ցանկանում էր բնակարան գնել Չնարջըքի շրջանում, եւ միասին գնացել, նայել են բնակարանը, որից հետո տեղեկություն չունի Ռիտայից։

Հարցաքննությունից հետո Ա․Ք․Ս․-ն ազատ է արձակվել ու հեռացել Գերմանիա։

Նյութի աղբյուր՝ news.am