«Եռաբլուր» պանթեոնում ավարտվեց բազմամարդ «Լռության երթը»՝ ի հիշատակ ղարաբաղա-ադրբեջանական սահմանին զոհված զինծառայողների:NEWS.am-ի թղթակիցն հաղորդում է, որ երթի մասնակից քաղաքացիներն ու զինծառայողները ծաղիկներ դրեցին զոհված զինծառայողների շիրիմներին, աղոթեցին, այնուհետեւ հոգեհանգստի կարգ տեղի ունեցավ:
«Եռաբլուր» պանթեոնում հնչեցրին շփման գծում տեղի ունեցած քառօրյա պատերազմի ընթացքում զոհված հերոսների անունները:
Քաղաքացիները Արցախի եւ Հայաստանի դրոշներով, «Զինվոր, մենք քեզ հետ ենք» գրությամբ պաստառով մոմավառություն արեցինք «Եռաբլուրում»:
Ավելի վաղ տեղեկացրել էինք, որ Երեւանի Ստեփան Շահումյանի անվան հրապարակից հարյուրավոր քաղաքացիներ երթով շարժվել են «Եռաբլուր»` հարգելու զոհված զինծառայողների հիշատակը:
Նյութի աղբյուր՝ news.am
| 
